Мемқызметшілер «премия»  алатын болды ма?

Бүгін Қаржы министрі Мәди Тәкиев мемлекеттік қызметшілерге берілетін сыйақы көлеміне қатысты түсінік берді.

«Оны мемлекеттік органдар өздері қарайды. Бұл сұраққа көп жауап бердік. Органдар үнемделген қаражатты бөліп береді. Оны қалай бөледі әр орган өзі шешеді», - деді Мәди Тәкиев Мәжілістің жалпы отырысынан кейін агенттік тілшісінің сауалына. 

Сондай-ақ министр мемлекеттік қызметшілер тарапынан сыйақыға қатысты сауал түспегенін айтты. 

«Мұндай сұрау түскен жоқ, біз түсінік бердік. Сұрақ қалай қойылды? Жылдың соңында мемлекеттік қызметшілерге 15-20 сыйақы бола ма?» деп қойылды. Біз ондай сыйақы болмайды деп жауап бердік. Жалпы қаражат үнемделсе сыйақы алуға болады», - деп толықтырды ведомство басшысы.